عرفتينى!!؟
أنا عاشق ليالى الكون
و عاشق كل شىء مجنون
بنادى الفرحه وين ما تكون
بسيط جدا ف تكوينى
و حلمى الصديق ألقاه
و أفرح لما أكون وياه
و حابب كل خلق الله
و كلمة حب تروينى
و تملى بعرف أعمل خير
و ساكن فيا حب الغير
و عايش حر زى الطير
و كلمة كدب تكوينى
و لو يوم كان زمانى يدور
و تبقى صعابى و سع بحور
هعدى ألف سور ورا سور
و كلمة صدق تحيينى
على حدودك بديت عصرى
و نسيت أحزانى يوم نصرى
يا مصر أنا ابنك المصرى
عرفتينى!!؟
No comments:
Post a Comment