البقاء لله
ماتت خلاص و راحت
ثوره برئيس أطاحت
كنّا فاكرينها زاحت
الظلم و الطغيان
معادنا يوم الجمعة
على روحها نصلى ركعة
و نولع ليها شمعة
كمشاركة فى اﻷحزان
مافيش عزاء نهائى
ﻷهل شهيد فدائى
و ماعدش لينا باقى
غير رحمة الرحمن
Sunday 11 September 2011
Rest In Peace
Wednesday 7 September 2011
Dreams
أحلام الثورة
بحلم أنام تحت الشجر
و عيونى تسرح فى القمر
من غير هموم من غير آلام
ولا قلب خايف من خطر
بحلم الاقى ف شمسى ضى
ماليا بجمالها كل حى
و استنى بكره إكمنه جاى
يقرب اﻷحباب لنا
بحلم أعيش و الكون براح
ماندمش لحظة علّى راح
من غير زعل، من غير جراح
والفرح يكون مكتوب لنا
بحلم تفتح لى بوّابتها
و أعيش و أموت وسط دراعاتها
لكن تملى بلّاعتها
بتبلع حلم عمرنا
Sunday 4 September 2011
Tahrir Square
موقعة الصينية 9/9 2011... و أعدوا
مش جايين لوحدنا
مش هنمشى من هنا
الميدان ده مش بتاعك
ده بتاعنا كلنا
مهما تغير من وشوشك
مهما كات قوة جيوشك
لو كل العروش عروشك
مش هتسرق حلمنا
إحنا خرجنا من بيوتنا
خلاص هربنا من سكوتنا
ولو عشان حقوقنا متنا
هتبقى موته حنينه
Subscribe to:
Posts (Atom)
