أنا غزة...
عايشه فى حالة حرب مباغته
كله بيضرب فيا و ساكته
مش هتألم ولا هتكلم
بس حاول تتكلم أنت!
أيوه اتكلم قول الحق
ليه مش عاوز تصرخ لأ
قوم و اتحرك و ادعى لربك
ولا هتفضل جوه الشق
بس أنا راجعة و شايله أمانى
تملا الدنيا سلام من تانى
رغم الحرب و رغم الضرب
و رغم الكون كله ف عدوانى
هارجع تانى و مش راح أبيع
إللى سابونى لوحدى أضيع
بس هأقولك كلمة ف سرك
إن الظلم حقيقى فظيع
No comments:
Post a Comment