برنامج منوعات
معلش شوية تعديلات
لكن راجعين يوم التلات
إستنى و إوعى تروح ف حته
أحسن تفوتك قنبلات
جايبين معانا صوت جديد
و شوية هلس م الشديد
خليك معانا الساعه سته
هنقولك كيف تعيش سعيد
أخبار و موضة الأوان
و فن زى بتاع زمان
و تليفزيون ف أى حته
عشان نجيلك بالألوان
أحداث جديده و رأى عام
و الفرخه يجيلها إزاى زكام
و فرن العيش محتاج لجته
عشان يشارك ف الزحام
أخبار جديده عن الإضراب
و درس خصوصى ف الإغتصاب
و إزاى تشم م الباكته
و لكل جريمه تلاقى عقاب
معادنا معاك ف كل يوم
معانا تغسل الهموم
دعواتنا ليك ف كل شده
تشوف سعاده و خير يدوم
No comments:
Post a Comment