أمى
تملى ف عيونك بلاقى الحنان
و بشعر ف حضنك بكل اﻷمان
يا أصدق معانى عرفها الزمان
يا أول حكاية كتبها القدر
يا غنوة حياتى يا لحن الخلود
يا فجر المشاعر يا سر الوجود
غرامك ف قلبى معدى الحدود
يا نسمة عصارى يا أجمل قمر
يا بسمة تداوى جراح القلوب
يا همسة تخلى العاصى يتوب
يا دعوه لربى بتمحى الذنوب
يا لمسة رقيقة تلين حجر
يا نجمة ف توهتى تنور طريق
يا طوق النجاة فى بحرى الغريق
يا حبى الحقيقى يا أول صديق
يا أمى يا غاليه يا أجمل بشر
No comments:
Post a Comment