مصرى
أنا إللى ضحى بدمه عشانك
أنا إللى ساكن جوه كيانك
أنا إللى حلمه يعلى مكانك
أنا إللى عنك قال أشعار
أنا إللى عشقك عشقه لأمه
أنا إللى حبك ماشى ف دمه
أنا إللى همك هواه همه
أنا إللى لجلك ذقت مرار
أنا إللى رافع كف إيديه
بيدعى لربه و تبكى عينيه
كل آماله رضاكى عليه
و لو فى رضاكى هتكويه نار
أنا إللى شارى لو بعتيه
تلاقيه جنبك لو عزتيه
يحارب كل الكون وحديه
و لجل عيونك إنتى إختار
يمسح دمعك فى الأحزان
يلون فجرك بالألوان
و يرسم فرحه فى كل مكان
و يحول أى ظلام لنهار
No comments:
Post a Comment