Thursday 6 January 2011

Innocent Guilty

مذنب برىء


ما لاقتش آية أو حديث
بيقوللك دمر الحياة
بالعكس دينى كان حريص
على كل شىء حتى النبات



أنا دينى قال أهل الكتاب
يشوفوا منى كل خير
حتى المعاملة بالحساب
مالمسش معبد ولا دير



إيه ذنب ناس لابسين جديد
رايحين يصلوا فى الكنيسة
يتقتلوا غدر وقت عيد
دى النفس غالية مش رخيصة



و من أيام سيدنا إبراهيم
و الناس بتصلى لربنا
كلام سليم أو مش سليم
ربك يحاسب مش أنا



إزاى نخون أقرب صديق؟؟
دى أكيد مش إيدنا المسلمة
و إنك تكون مذنب برىء
دى بجد حاجة مؤلمة

Posted by at

1 comment:

  1. Samy Nassiem7 January 2011 at 04:20

    و من أيام سيدنا إبراهيم
    و الناس بتصلى لربنا
    كلام سليم أو مش سليم
    ربك يحاسب مش أنا

    Great

    ReplyDelete

Subscribe to: Post Comments (Atom)