من بعيد
برمى نظره من بيعد
من على السور الحديد
جنب مدرستى القديمه
و أفتكر صاحبى الوحيد
صاحبى كان صاحب بجد
كان مستحيل يبعدنا حد
عمرى ما قلت بصلى جمعه
و عمره ما قال لى بصلى حد
و أفتكر أيام زمان
ما كانش فيه فرق ف مكان
جوه جامع أو كنيسة
ويا بعد مهما كان
و أفتكر صوت الهوا
و عشقنا للون السما
و ضحكنا و لعبنا
و فرحنا و إحنا سوا
و داع يا أكتر من صديق
يا أغلى من أخ و رفيق
و مش هلوم أبدا وطن
أصل الوطن دايما برىء
No comments:
Post a Comment