حزب سياسى
عاوز أفصل حزب سياسى
يكون مضبوط على قد مقاسى
له ف المجلس رأى أساسى
حتى و لو كان كل ده كدب
عاوز أكون شيخ فوق المنبر
ف أى مناسبة أهلل أكبر
أحلل، أحرم، أصدق، أكفر
على كيف كيفى و زى ما أحب
عاوز أرشح نفسى رئيس
و أحكم مصر اتنين و خميس
ف أى إذاعه أقول أحاديث
و يعجب كل كلامى الشعب
عاوز أداوى كل جروحى
ألملم حزنى و أطيب روحى
إوعى يا نفسى بسرى تبوحى
و دارى همومك جوه القلب
No comments:
Post a Comment